काठमाडौं । नेपाल आयल निगमले पेट्रोलियम पदार्थको मूल्य फेरि बढाएको छ ।
निगमले सोमबार रातिदेखि लागू हुनेगरी पेट्रोलको मूल्य प्रतिलिटर २ रुपैयाँ र डिजेल र मटीतेलको मूल्य ३ रुपैयाँ बढाएको हो ।
अब पेट्रोल १ सय १४ रुपैयाँ र डिजल तथा मटीतेलको मूल्य १ सय १ रुपैयाँ पुगेको छ । ग्यास र हवाई इन्धनमा भने मूल्य बढाइएको छैन ।
निगमले मूल्य बढाएपछि पनि मासिक नोक्सानी ५० करोड रुपैयाँ हुने दावी गरेको छ ।
असोज १ अर्थात दसैं सुरु हुनै लाग्दा मूल्यवृद्धि गरिएकाले यसले समग्र उपभोग्य वस्तुको मूल्यमा चाप पर्नेछ । सुशासन र समृद्धिको नारा दिएर निर्वाचित दुई तिहाईको सरकारले जनतामाथि एकपछि अर्को भार थप्दै गएको सर्वसाधारणको अनुभव छ ।
प्रतिक्रिया