Logo

नेपालको वैदेशिक व्यापार सहज बन्दै, विशाखापट्टनम बन्दरगाह पनि खुल्यो




काठमाडौं । नेपालको वैदेशिक व्यापार थप सहज बन्दै गएको छ । भारतको कोलकाता बन्दरगाहमा भर परिरहेको नेपालले अब यो भन्दा राम्रो विकल्प पाएको छ– विशाखापट्टनम् ।

विशाखापट्टनमबाट नेपालले झन्झटरहित व्यापार गर्न सक्ने जनाइएको छ । यस बन्दरगाहमा मालवस्तु परिवहन विद्युतीय ट्रेकिङ प्रणाली (ईीीिटएस) प्रक्रियाअन्तर्गत कन्टेनर पारवहनको परीक्षण सकारात्मक भएपछि आउँदो फागुन ३ गतेदेखि कन्टेनर पारवाहन हुने भएको राससले जनाएको छ ।

भारतको कोलकाता तथा हल्दियाबाट नेपालको वीरगञ्ज सुख्खा बन्दरगाह, सिर्सियासम्म तथा कोलकाता तथा हल्दियाबाट भारतको बथनाहसम्म रेलमा र त्यहाँबाट जोगबानीसम्म सडकमार्गबाट ट्रान्ससिपमेन्ट प्रक्रियाबाट पारवहन गरिनेछ ।

प्रधानमन्त्री केपी शर्मा ओलीको भारतको औपचारिक भ्रमणका क्रममा नेपाल र भारतबीच गत सन् २०१७ जुनमा भएको सहमतिअनुसार दुवै देशबीच सरलीकृत पारवहन प्रक्रिया अवलम्बन गर्न कलकत्ताबाट रक्सोल, जोगबनी र सुनौलीसम्म परिवहन हुने कन्टेनरमा ईसीटीएसको परीक्षण गरिएको थियो ।

वाणिज्य, आपूर्ति तथा उपभोक्ता संरक्षण विभागका अनुसार निर्देशक पुरुषोत्तम सुवेदीका अनुसार सो प्रक्रियाका लागि नेपालका व्यवसायीले विशाखापट्टनम बन्दरगाहमा कुनै पारवहनसम्बन्धी कागजात पेस नगरी स्वचालित प्रणालीबाट मालधनीलाई हस्तान्तरण गरिनेछ ।

प्रतिक्रिया दिनुहोस्