काठमाडौं । फागुन १ अर्थात माओवादीले सशस्त्र युद्ध सुरु गरेको दिन । तत्कालीन माओवादी कार्यकर्ताले यसलाई गौरवमय दिनका रुपमा मनाइरहँदा सर्वसाधारणबाट आलोचना पनि उत्तिकै भइरहेको छ ।
सामाजिक सञ्जाल फेसबुक र ट्वीटरमा पत्रकार लेनिन बञ्जाडेको एउटा पोष्ट निकै भाइरल भइरहेको छ । जहाँ पत्रकार बञ्जाडेले लेखेका छन्–
विन्डोजले बिल गेट्स, फेसबुकले जकरबर्ग, रिलायन्सले अम्बानी, अलिबाबाले ज्याक मा, पेटिएमले विजयशेखर शर्मा, वाईवाईले विनोद चौधरी र जनयुद्धले प्रचण्डलाई अर्बपति बनायो ! #धनयुद्धदिवस
माओवादी युद्ध समाप्तीसँगै भएको शान्ति सम्झौतापछि तत्कालीन माओवादी अध्यक्ष पुष्पकमल दाहाल प्रचण्ड २ पटक प्रधानमन्त्री भइसकेका छन् भने अधिकां समय उनको दल सत्तामै छ ।
लडाकु शिविरको रकम आफैं बुझ्ने गरेको तथा देशका चर्चित भ्रष्टाचार र अनियमितता काण्डमा नाम जोडिएका प्रचण्डको विवादास्पद व्यापारीहरुसँगको उठबस पनि गसिपभन्दा बढी नै यथार्थ रहेको उनी निकटकै नेताहरु बताउँछन् ।
प्रचण्ड अर्बपति हुन् वा होइनन् भन्ने भविश्यले बताउला तर उनको सम्पत्तिमाथि छानबिनको सम्भावना भने तत्कालका लागि पटक्कै छैन । किनकी उनी सत्तारुढ दलका अध्यक्ष र वेटिङ प्राइम मिनिष्टरका रुपमा हेरिएका छन् ।
प्रतिक्रिया