Logo

चन्द्रागिरीमा आङकाजीको आतंक, पृथ्वीनारायण शाहको शालिक हटाउन प्रदर्शन !




काठमाडौं । पछिल्लो समय काठमाडौंवासीको मात्र नभइ काठमाडौं घुम्न आउने नेपाली र केही विदेशीको समेत आकर्षक घुमफिर गन्तव्यका रुपमा विकसित चन्द्रागिरीलाई विवादमा तान्ने फेरि प्रयास भएको छ ।

चन्द्रागिरीमा रहेको राष्ट्रनिर्माता पृथ्वीनारायण शाहको शालिक हटाउनुपर्ने भन्दै केही जनजाती नेताले प्रदर्शन गरेका छन् । आदीवासी जनजातीभित्र पनि अराजक नेताको उपमा पाएका आङकाजी शेर्पालगायतले बुधबार चन्द्रागिरी पुगेर यस्तो प्रदर्शन गरेका हुन् ।

आङकाजी शेर्पा

शेर्पासहितको जनजाती टोलीले चन्द्रागिरीमा किर्ती लक्ष्मीको तस्बिर देखाउँदै प्रदर्शन गरेका हुन् । राष्ट्रनिर्माता पृथ्वीनारायण शाहलाई जनहत्याराको आरोप लगाउँदै शेर्पाले कीर्तिलक्ष्मीका बारे प्रशंशा गरेका छन् ।

उनका अनुसरा पृथ्वीनारायण शाहसंग पुरूषको भेष लगाएर साहसिक महिला योद्धा किर्ती लक्ष्मीले युद्धा लडेकी थिइन् । युद्धमा लडदा किर्तीलक्ष्मीले आफ्नो नाम पुरूषको नाम भैरव सिंह राखेकी थिइन् ।
यस्तै, पृथ्वीनारायणका हजारौ सेनाले चारैतिरा घेरा हाल्दा किर्ती लक्ष्मी एक्लै धनुष र खुँडा लिएर साहसिक युद्ध लडेको शेर्पाले दावी गरेका छन् ।
उनै कीर्तिलक्ष्मीको नामबाट हालको कीर्तिपुर नाम राखिएको हो । पृथ्वी नारायणका सेनाले गिराफ्तार गरेर बन्दी बनाएको अवस्थामा उनी आफैंले आफ्नो जीवन समाप्त गरेको किंवदन्ती छ भने उनलाई अजिमा को रूपमा अहिले पनि पूजा गर्ने गरिन्छ ।

पृथ्वीनारायण शाहले काठमाडौं आक्रमण गर्नुअघि चन्द्रागिरीमा रहेको भालेश्वर महादेवको दर्शन गरेको किँवदन्ती छ । तर, शाहले विजयपश्चात कीर्तिपुरका नेवारहरुको नाक काटेको भन्दै शेर्पाकै नेतृत्वमा विरोधका कार्यक्रम हुँदै आएका छन् ।

प्रतिक्रिया दिनुहोस्