पोखरा । प्रतिष्ठित औद्योगिक तथा व्यावसायिक घराना बतास अर्गनाइजेसनले पर्यटन क्षेत्रको विकासमा थप टेवा पु¥याउने उद्देश्यले आफ्नो निजी जग्गा सार्वजनिक बाटोका लागि उपलब्ध गराएको छ ।
बतास समूहले पोखराको हेप्पी भिलेजदेखि ढकाल थर कृषि सडक जोड्ने बाटोमा पर्ने निजी जग्गा उपलब्ध गराएको हो । समूहको यस्तो सत्कर्मलाई सम्मान गर्दै पोखरा महानगरपालिकाले उक्त सडकलाई ‘बतास मार्ग’ नामाकरण गरेको छ ।
स्थानीय उपभोक्ता समितिको सिफारिसमा महानगरपालिकाको १८ नं. वडा कार्यालय सराङकोटले यस्तो नामाकरण गरी प्रमाणित गरेको हो ।
बतास समूहका अध्यक्ष आनन्दराज बतासले आफूहरुले पर्यटन विकास होस् भन्ने हेतुले मूल बाटोमा रहेको बतास अर्गनाइजेसनको जग्गा सार्वजनिक बाटो निकासको लागि दान गरेको बताए ।
अध्यक्ष बतासले भने– जग्गा दानको कदरस्वरुप उक्त बाटोको नामनै ‘बतास मार्ग’ राखिएको जानकारी पाउँदा हामीलाई अझ थप सत्मार्गमा लाग्न प्रेरित गरेको छ ।
‘रिच इन कमिटमेन्ट’ भन्ने नारासहित व्यवसायमा सक्रिया बतास समूहले व्यवसायसँगै विभिन्न सामाजिक काम गर्दै आएको छ । बतास फाउन्डेसनमार्फत मुलुकका विभिन्न स्थानमा आर्थिक, सामाजिक तथा पर्यावरणीय रुपान्तरणसम्बन्धी काम गरिरहेको छ ।
प्रतिक्रिया