काठमाडौं । नेपाल टेलिकमले ल्याण्डलाइन टेलिफोन र पोष्टपेड मोबाइल सिमको मूल्य घटाएको छ । कम्पनीका अनुसार अब १ हजा।र ६३५ रुपैयाँमै ल्यान्डलाइन र ९४५ रुपैयाँमा टेलिकमका पोष्टपेड मोबाइल सिम उपलबध हुनेछ ।
आर्थिक विधेयक, २०७६ को दफा १४९१० मा व्यवस्था भए बमोजिम टेलिफोन जडान गर्ने ग्राहकबाट स्वामित्व शुल्क वापत ५ सय रुपैंया मात्र लिने व्यवस्था भएपछि नेपाल टेलिकमले उपलब्ध गराउदै आएको स्थानीय टेलिफोन ९एक्त्ल्० तथा पोष्टपेड मोबाइल पहिले भन्दा कम दरमा उपलब्ध हुने भएको हो ।
यसअघि स्थानीय टेलिफोनका लागि २ हजार २ सय र पोष्टपेड मोबाइलका लागि १ हजार ५ सय १० रुपैयाँ बुझाउनु व्यवस्था थियो ।
विधेयकको कार्यान्वयनसँगै स्थानीय टेलिफोनको नामसारी गर्दा लाग्ने शुल्कमा समेत ५ सय ६५ रुपैयाँ कम भएको छ ।
यसअघि टेलिफोन नामसारी गर्दा १२ सय ४३ रुपैयाँ शुल्क बुझाउनु पर्दथ्यो भने आजैदेखि जम्मा ६ सय ७८ रुपैयाँ मात्र भुक्तानी गर्नु पर्ने टेलिकमले जानकारी दिएको छ ।
यो परिमार्जित शुल्क बुधबारदेखि नै लागू भएको टेलिकमले जनाएको छ ।
प्रतिक्रिया