Logo

टेलिकमद्वारा कोरोनाभाइरस नियन्त्रण कोषमा १२ करोड सहयोग




काठमाडौं । नेपाल टेलिकमले सरकारले स्थापना गरेको कोरोना भाइरस संक्रमण रोकथाम, नियन्त्रण तथा उपचार कोषमा १२ करोड रुपैयाँ जम्मा गरेको छ ।

सहयोग रकममध्ये २ करोड रुपैयाँ कम्पनीका कर्मचारीको तलबबाट कट्टा गरिएको र १० करोड कम्पनीकै खाताबाट सरकारी कोषमा जम्मा गरिएको जनाइएको छ ।

टेलिकमका प्रबन्ध निर्देशक डिल्लिराम अधिकारीले महामारी नियन्त्रणका लागि सरकारलाई सहयोग गरिएको जानकारी दिए । बिहीबार नै प्रधानमन्त्री कार्यालयका सचिवलाई सहयोग रकम हस्तान्तरण गरिसकेको जानकारी दिँदै उनले टेलिकमले कर्मचारीबाट कट्टा गरेको रकममा नन–अफिसर कर्मचारीको ३ दिन, अफिसरको ५ दिन र १० औं तहभन्दा माथिका कर्मचारीबाट ७ दिन बराबरको तलब काटेको जानकारी दिएका छन् ।

टेलिकमले यसअघि पनि बाढीपीडित तथा भूकम्पपीडित लगायतका लागि यसैगरी सहयोग गर्दै आएको छ ।

प्रतिक्रिया दिनुहोस्