Logo

लकडाउनमा भारतको नक्कल गर्दा सरकार असफलः प्रतीक प्रधान




काठमाडौं । वरिष्ठ पत्रकार तथा बाह्रखरी अनलाइनका प्रधान सम्पादक प्रतीक प्रधानले कोरोना नियन्त्रणका नाउँमा सरकार एक्लै अघि बढ्न खोजेको र विज्ञ समुदायको समेत कुरा सुन्न नसकेको गुनासो गरेका छन् । प्रधानले स्थानीय र प्रदेश सरकारसँग समन्वयसमेत गर्न नसकेको टिप्पणी गरे ।

गणेशमान सिंह अध्ययन प्रतिष्ठानले आइतबार आयोजना गरेको भर्चुअल अन्तक्र्रियामा उनले लकडाउनमा भारतको नक्कल गर्दा सरकार असफल बनेको बताए । भारतले लकडाउन खुकुलो गरिसकेको स्मरण गराउँदै नेपालमा भने ढिला भइसकेको उनको तर्क छ ।

प्रतीक प्रधान

पत्रकार प्रधानले लकडाउन सुरु गर्ने बेलामा भन्दा समस्या अहिले झनै बढेको बताए । उनले लकडाउनले आर्थिक सामाजिक क्षेत्रमा भयावह समस्या निम्त्याएको धारणा राखे । अर्थतन्त्रलाई लकडाउन गरेर नभइ जिम्मेवार ढंगले खोल्नुपर्नेमा उनले जोड दिए ।

सरकारलाई पैसा चाहिएर मालपोत खोल्ने तर आर्थिक क्षेत्र चलायमान बनाउन कुने जिम्मेवारी नलिने प्रवृत्ति घातक भएको उनको भनाइ छ ।

प्रतिक्रिया दिनुहोस्